Әке мен бала
Әке мен бала

Қазіргі кезде ақшаның соңынан қуып, күні-түні жұмыс істейтін жандардың өзінің жақын адамдарына уақыт бөлуіне мұршасы болмай жатады.

Отағасы шаршап кешке жұмыстан келгенде баласы алдынан қуана жүгіріп шығып:

- Әке! Әке! Әйтеуір келдің-ау! - қуаныштан көзі бал-бұл жанған баласы әкесінің мойнына асыла кетті. Бірақ әкесінің шаршағаны соншалық - баласын құшақтауға әл-дәрмені болмады.

- Әке, қарашы, кеш болды, түн болды. Мен сені сонша күттім ғой! Сенен бір нәрсе сұрайын деген едім....

- Сұрай ғой... - әкесі құлықсыз жауап берді. 

- Менің сұрайын дегенім, саған жұмысың әр сағатыңа қанша төлейді?

Кіп-кішкентай баласының осындай сұрақ қойып тұрғаны әкесіне онша ұнай қоймады.

- Балам, оны неге сұрадың? Ол менің жеке жұмысым, мен неге оны саған айтуым керек?

- Әке, осыны сұрау үшін ұйықтамай сені күттім ғой. Сағатына қанша табасың? - баласының үні жалынышты, аянышты шықты. Көздері мөлдірей, әкесіне жаутаңдап қарады. 

- 500... - сонда да әкесі сөзінің соңын жеп қалды. - Ал енді бар бөлмеңе, ұйықта!

- Әке... - домаланған көздерімен жәутеңдеп қараған баласы әкесі дүрсе қоя бере ме деп қорқақшықтай сөзін жалғады: - Әке, маған 300 теңге бере тұршы, өтінемін.  

Әлгіндей сұрақтан кейін ақша сұрағаны әкесінің ашуына тиді ме, баласына айқайлады да, бөлмесіне қуып жіберді.

Біраз уақыт өткеннен кейін әкесі ойланып: "Мен біраз уақытымды жұмысымда өткіземін, табыс табамын, балам менен бірінші рет ақша сұрап тұр, мүмкін оған шынымен де ақша керек болғаны шығар..." Шыдай алмай баласының бөлмесіне кеп: 

- Кешір, ұлым, саған шынымен де ақша керек болған шығар, міне, ала ғой, мынау 300 теңге. 

- Әкетай, рахмет! - мәз болған бала әкесінен ақшаны алды да, жастығының астына салды. Сол кезде жастықтың астында бірнеше уақ ақшаның жатқанын әкесі байқап қалды. 

- Бұның не, сенде ақша бар ғой? Неге онда менен сұрадың?

Баласы жастықтың астынан барлық ақшаны алып, санап шықты да:

- Әке, сенен ақшам жетпегендіктен сұрадым. Енді, міне, мынау 500 теңге. Сенің уақытыңның бір сағатын сатып алсам бола ма? Ертең ерте келші, кешкі асымызды бірге ішейік. 

 

****

Есіңізде болсын! Сіздің балаларыңыз бен жақындарыңызға сіздің махаббатыңыздан артық байлық жоқ. Дүниенің соңында жүріп, өмірдегі ең маңызды нәрсені ұмытып кетпейік...

 

Әңгіме vk.com әлеуметтік желісінен алынып, аударылды.

бала, әке, әке мен бала, әке мен бала туралы әңгіме, әке мен бала қарым-қатынасы, әке махаббаты
МейірмангүлМейірмангүл
5 жыл бұрын 10225
4 пікір
Блог туралы
0
1405 10 15 29 5